I Premio Alfredo Noval

Se celebraron en el Jardín Botánico Atlántico de Gijón las I Jornadas de Divulgación y Defensa de la Naturaleza en Asturias; una de las actividades de las mismas ha sido la entrega del I Premio Alfredo Noval (fundador de A.N.A.) y los galardonados han sido Antonio Vázquez (fotógrafo de naturaleza), Fernando Fueyo (acuarelista de naturaleza) y A.N.A. (defensora de la naturaleza asturiana). Con las fotos tomadas por Gloria, socia de A.N.A., hemos hecho este pequeño vídeo que lleva música de David Hilowitz , y disponemos de un audio -no tiene mucha calidad porque se hizo con un móvil- que recoge las palabras que nos dedicó Tomás Díaz y el agradecimiento de nuestro presidente (gracias Mila por grabarlo).

 

Nel 1971 ñaz, col emburrión de García Dory, Alfredo Noval, Nebot, Paco Mori, etc. l’Asociación Asturiana d’Amigos de la Naturaleza, A.N.A., y en 1973 la so revista Asturnatura.

Foi de les primeres organizaciones ambientalistes y, dellos años, la única n’Asturies: Con ella entamó, por exemplu, la ornitoloxía asturiana y otres iniciatives pal estudiu y la defensa del nuestru patrimoniu natural y cultural, asina como lo que diba ser la Educación Ambiental.

Participaren en munches iniciatives y actividaes, collaborando pa torgar -por exemplu- otra papelera en Güeñu o una central nuclear n’Artéu o Ribeseya y un banzáu en Caliao, afitando tamién la proteición de los Asturcones y d’especies como l’Osu Pardu o d’espacios como Muniel.los, la ría de Villaviciosa, Somiedu o los Picos d’Europa.

Equí siguimos cásique 50 años dempués, nestos tiempos nos que la participación pública ye muncho menor o dispérsase en munchos grupos d’estremaos intereses y dimensiones.

Nestes xornaes organizaes por MAVEA y el Jardín Botánico Atlántico de Xixón, celebróse una mesa reonda’l sábadu 8 de xunu  (Día del Mediu Ambiente nel Pueblu d’Asturies, tamién en Xixón) pa falar del Movimientu ecoloxista n’Asturies.

Con Fruti (de la CEA) y Tarik Vázquez (BIODEVAS) participó por A.N.A. Carlos Lastra, que faló de los primeros tiempos de l’asociación, tratando d’esplicar l’ésitu que tuvo n’aquellos años 70.

El domingu entregáronse los primeros PREMIOS “Alfredo Noval” a persones o entidaes destacables na defensa y divulgación del mediu ambiente asturianu:  Sergio Noval presentólos, y presentó y entregó ún d’ellos al pintor Fernando Fueyo; Alejandro, de Mavea, fizo lo mesmo col fotógrafu Antonio Vázquez y Tomás E. Díaz, en nome del Xardín Botánicu, entregó otru premiu a A.N.A., representada pol so presidente Carlos Lastra.

Lastra agradeció a Mavea la iniciativa de los premios, y dedicó’l nuestru al recuerdu d’Alfredo Noval y tolos demás que ficieron por A.N.A. (citando a los presidentes R.M. Simó y P. Menéndez de Luarca), y n’especial a los que yá nun tán, como Miguel Ángel García Dory, Paco Mori o José Manuel Nebot. Felicitó a los otros premiaos y animó a siguir faciendo polos valires ambientales y culturales d’Asturies, y tamién a que los nuevos gobiernos municipales y autonómicu faigan por esi patrimonio qu’esfrutamos agora emprestáu polos nuestros descendientes.