Que siga la moratoria, que nun engañen a la Unión Europea

Llámenlo “estratexa enerxética inescusable”. Frente a la política comunitaria de la UE, d’amenorgamientu de les emisiones containantes, Asturies busca cómo siguir potenciando centrales alternativa, porque eso ta entá más llo-e: alternativu ye lo que sustitúi a otro, y n’Asturies nin se plantega l’alternativa a la producción convencional d’enerxía. Más carbón, más combustión, más contaminación. Tán preparando -por exemplu- un nuevu grupu minantes, Asturies busca cómo siguir potenciando centrales térmiques y collaborando colos gases ivernaderu a lo del cambiu climáticu, agora que los planes de la UE cunten conque nel 2010 el 12% de pa torgar eses emisiones. Renovable, yá nun dicimos (dicenla enerxía de les comunidaes europees seya de producción renovable, una manera de torgar eses emisiones. Renovable, yá nun dicimos (dicen) alternativa, porque eso ta entá más lloñe; alternativu ye lo que sustitúi a otro y n’Asturies nin se plantega l’alternativa a la producción convencional d’enerxía. Más carbón, más combustión, más contaminación. Tán preparando -por exempluñ un nuevu grupu de 800 megawatios na térmica d’Aboñu, pa quemar carbón d’importación y CEASA prepara otra térmica de 400 mw. Precisamente casi otros 800 ye lo que quier el gobiernu asturianu producir d’enerxía eólica: 750 megawatios. Pa eso tán mui enfotaos en suprimir de secute la moratoria a los parques eólicos que s’alcordó en mayu del 2001 y por dos años, debío al desbordamientu de solicitudes. Agora nun quieren nin esperar a mayu, que fina la moratoria. Dirán los llectores ¿y de qué protesten estos ecoloxistes?¿¿Nun piden enerxíes alternatives?¿Tampoco-yos val lo eólico?¿Qué meyor qu’eso? A ver si somos quien a desplicalo. Yá diximos que lo de “alternativu” queda olvidao porque ta por ver la primer central convencional que se cierre o que nun se vaiga facer a cuenta del negociu eólicu. Siguen térmiques ya hidráuliques. Pero hai más. Nun se plantega la racionalidá, l’aforru enerxéticu, nin la producción cerque del consumu, qu’agora ye posible, coles nueves fontes enerxétiques, nun como enantes, cuando too tenía que ser hidrollétricu o de centrales de carbón. Lo que camenten los responsables enerxéticos asturianos (sofitaos pol apéndiz que ye Mediu Ambiente) ye siguir con más de lo mesmo. Y como en Bruseles paez que van cobrar por contaminar o zarrar instalaciones si nun se produz esi 12% de manera “renovable”, la solución nun la busquen pesllando o torgando nada, sinon xubiendo la producción eólica a 750 megawatios p’algamar esi 12% ¡Una gran xugada!, digna de la meyor picaresca mediterránea: pura “estratexa enerxética inescusable”. Quince o venti parques eólicos amás de los seis que tán instalaos o iguándose. Milenta molinos pelos cordales del occidente, que ta más abandonao y hai menos problemes. La previsión del ministeriu pal 2010 yera de 500 Mw de lo eólico p’Asturies, pero los nuestros “planificadores” autonómicos quieren más. Non por razones ambientales, sinon pa engañar a Bruseles y torear los plancos europeos. Resueltu un problema tan hábilmente, siguen y seguirán contaminando, pero entá queda otru problema. En Cantabria (Penagos) y en Lleón tienen paralizaos sendos tendíos de 400.000 voltios “afogando inalmisiblemente” el crecimientu enerxéticu d’Asturies, que sigue col mesmu monocultivu enerxéticu del sieglu XX. El cablerío dende Llada (Llangréu) a Tarna lleva años instalao, pasando per viesques, parques naturales y lo que faiga falta, pero aparáronlo los ayuntamientos y vecinos en Lleón ¡hai que se fastidiar!, y el de Soto Ribera-Penagos aparólu una sentencia del Tribunal Superior de Xusticia de Cantabria (por algo illegal, lóxicamente, mal que-y pese al ministeriu d’Industria y Enerxía). ¿Cómo buscar más salida? Cuadruplicando otru tendíu qu’hai, de 125.000 voltios, ente Grandas de Salime y Soto Ribera, y allegándolu pa Galicia, pa Vilalba (Llugo). ¡Otra llinia de 400.000 voltios paralela a la qu’hai (tamién de 400.000 V) ente Soutu la Barca (Tinéu) y Soto Ribera! Autovíes pa la enerxía que s’añaden a les de coches y camiones (y agora a discutir del tren d’alta velocidá del Cantábricu). Más política desarrollista pura y dura, ensin contemplaciones nin “modernidaes” de desarrollu sostenible o d’elemental sensibilidá ambiental y sentíu común. A la caza de fondos comunitarios mentantu sigamos siendo oxetivu 1 de la UE, y el que venga detrás, qu’aguante. Si’l negociu (de los accionistes de les empreses llétriques s’entiende) ye la esportación de lletricidá y Asturies apurre yá’l 11% de la de tol Estáu y ye la cuarta en producción, dempués de les comunidaes con centrales nucleares, y la segunda en relación col númberu d’habitantes (dempués d’Estremadura); si esporta’l 57,59% de los 16.000 xigawatiosh añales que produz (a lo meyor entiéndese meyor 16.000 millones de kilowatiosh, que ye lo mesmo) colos 3.514 megawatios instalaos (y n’aumentu, como se ve) ¿por qué nun siguir fasta l’infinitu? Pues porque yá ta bien de tanta solidaridá mal entendida, sacrificando calidá ambiental de toos pol beneficiu d’empreses privaes, pol esporpolle de los demás, agora que caún pue producir lo que necesite o traelo de cerca, ensin el desperdiciu evidente y l’impautu paisaxísticu que representa’l tresporte enerxéticu a grandes distancies. La producción enerxética tien un costu ambiental indiscutible y Asturies vien pagándolo hai décades (que-yos lo entruguen a los de la ribeira del Navia y de La Ribera de Soto, por exemplu). Yá ye tiempu de pensar otres coses, nun siguir colo mesmo y nun siguir hipotecando’l futuru de los conceyos qu’escosaes toles fontes económiques d’anantes (ganadería, agricultura, minería), tienen un futuru aseguráu na midida que preserven un paisax y unos valires ambientales d’interés turísticu (un seutor n’alza pero mui delicáu de caltener) nuna Europa que perdió la mayoría de los alicientes qu’entovía tenemos: flora, fauna, hestoria, etnografía, paisax… Pero d’eso nun quieren saber nada los nuestros políticos. N’especial si torguen los planes “clásicos”, decimonónicos, de fundamentalismu industrial qu’a ellos-yos presten. Lo único que saben faer. Nada nuevu. Nada nuevu pa les eleiciones de mayu: más enerxía, más superpuertu, más autopistes, más infraestructura, en definitiva. Enerxía pa los demás, parques teunolóxicos y polígonos industriales ensin industries, autovíes pa que los turistes pasen de llargu y qu’otros traigan o atraviesen colos sos productos, estaciones ivernales cuando la nieve va dir a menos, puertos monopolizaos pola industria pesada y los graneles de les térmiques… Nada nuevu nin esperanzador, nin suxerente, nin ilusionante. Los mesmos políticos baraxaos pa echar otra partidina de cuatro años xugándose’l futuru d’Asturies a les mesmes cartes.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s